6.1 Cruisetrafikk

Cruiseundersøkinga for Eidfjord, gjennomført av GP Wild i 2014, viser at Eidfjord som cruisedestinasjon svarte til, eller oversteig forventningane hjå cruisegjestene. Høflege hamne- og informasjonstilsette samt venlege og smilande innbyggjarar, var det som kom fram som særleg positiv oppleving for gjestene. Cruisedestinasjonen har eit godt omdøme som gjer at dei fleste av cruisegjestene vil anbefala Eidfjord for vener og familie.

Mål:
Me skal:

• vera den beste cruisedestinasjonen i Noreg 

Strategi:
Me vert den beste cruisedestinasjonen i Noreg  ved å

• ha ein attraktiv destinasjon som byr på særeigne opplevingar  knytt til kultur og lokal tradisjon
• utvida tilbod om opplevingar i fjorden, dalane og fjellet  til cruisepassasjerane 
• syta  for at cruisetrafikken er bærekraftig 
• ha gang og sykkelveg frå Stavanes – Eidfjord- Øvre  Eidfjord –  gamlevegen i Måbødalen -Sysendalen
• skapa eit attraktivt sentrum med liv og røre knytt til aktivitetar for innbyggjarar og vitjande
• skapa eit attraktivt og fortetta sentrum med eit variert forretningstilbod
• stimulera til etablering av transporttilbod til  gjester 

6.2 Natur og attraktivitet

Besøksattraktivitet handlar om alle former for besøksnæringar. Felles for desse næringane er at dei krev at kunden må møte opp personleg på staden.

Det handlar med andre ord om staden si evne til å tiltrekkja seg «import» av kjøpekraft. Dette gjeld sysselsetjing i verksemder som butikkar, overnatting, servering, kultur og aktivitet generelt.
-Ref. Telemarkforskning 2014-

Mål:
Me skal

• vera den mest besøkte naturattraksjonen i Noreg
• auka antal arbeidsplassar knytt til aktivitetar i naturen
• marknadsføra det særeigne i naturen og ha fokus på aktivitetar som er berekraftige
• ha eit levande og innhaldsrikt sentrum som gjev  gode opplevingar for vitjande og innbyggjarar flest

Strategi:
Me vert den mest besøkte naturattraksjonen i Noreg ved å 

• leggja til rette for aktivitetar knytt til turistvegprosjektet
• auka marknadsføringa av naturattraksjonane både nasjonalt og internasjonalt
• samarbeida på tvers av sektorar for å utvikla gode reiselivsprodukt
• ha eit reint miljø
• ha innbyggjarar som er stolt av naturen i bygda og tek vare på den 

Me får auka tal på arbeidsplassar knytt til aktivitetar i naturen ved å

• laga planar som tek omsyn  til auka aktivitet
• aktivt samarbeida med regionale og statlege  mynde  knytt til løyve 
• aktivt samarbeida med grunneigarar
• aktivt samarbeida med næringslivet

Me får marknadsført det særeigne med naturen, og har fokus på aktivitetar som er berekraftig ved å

• ha ein god forvaltning av Hardangervidda
• leggja vekt på det store mangfaldet og synleggjera dette
• gjera omgjevnadene merksam på den korte avstanden frå fjord  til fjell

Me får eit levende og innhaldsrikt sentrum som gjev gode opplevingar for besøkande og innbyggjarar ved å

• tilretteleggja for formålstenelege parkeringsplassar
• ha areal til disposisjon for aktivitet spesielt retta mot barn/unge
• ha areal til disposisjon som legg til rette for rekreasjon/møteplassar
• ha eit reint og ryddig sentrum

6.3 Kultur, arrangement og aktivitet

Kultur- og opplevingssektoren vert i aukande grad sett på som viktig for å skapa attraktive lokalsamfunn. Tre av fire kommunar har ein eller fleire festivalar og spel i Noreg. Frå kommunen sin ståstad kan kulturelle arrangement og aktivitetar, i tillegg til å ha ein eigen verdi, òg skapa økonomiske, sosiale og kulturelle verdiar.  Rolla som vertskap kan sjåast på som ein del av kommunen si nye rolle som samfunnsutviklar, som mellom anna inneber å skapa  ein attraktiv vitjings-, opplevings- og bustadkommune. I tillegg er det viktig  for kommunen å finna dei særtrekk og kvalitetar som ein ønskjer å  tilby gjester og vitjande  i framtida.

Hardangervidda nasjonalpark har i generasjonar vore viktig for eidfjordingen. Historisk sett har tilgangen til Hardangervidda og ressursane vore det viktigaste grunnlaget for busetjinga i kommunen. I dag er det  eit rekreasjonsområde som òg gjev høve til matauk.  Det er eit ynskje at òg vitjande  og gjester skal få større høve til å delta i opplevingar som naturen på vidda gjev. Me vil i åra framover arbeida aktivt for å utvida opplevingstilbodet for dette eldoradoet av eit område for friluftsliv, jakt og fiske. Hardangervidda er òg ein naturleg arena for sportsarrangement både for små og ekstreme i verdensklasse. 

Mål:
Me skal:

• vera ein internasjonal arena for ulike arrangement som spelar på mangfald gjennom heile året 
• prioritera kompetanseheving innan naturbasert reiseliv, vertskapsrolla og stadformidling som grunnlag for produktutvikling, bl.a. guida  turar 
• arbeida med omdømmebygging og marknadsføring av unike jakt- og fisketilbod  i fjellet  

Strategi:
Me vert ein internasjonal arena for ulike arrangement som spelar på mangfald gjennom heile året ved å

• leggja til rette for arrangement
• invitera hyttefolk  til å delta på gjennomføring av arrangement
• støtta oppunder og rettleia eldsjeler og utviklingsaktørar som tek  initiativ og rettleia dei  i offentleg system
• vera pådrivar for auka samarbeid, samhandling og samordning mellom ulike aktørar innanfor arrangementa 

Me får eit heilårstilbod innan servering og overnatting ved å

• vurdera risikokapital i utviklingsfasen 
• oppmuntra til samarbeid mellom næringane
• oppmuntra til nye nisje opplevingar som helseturisme
• leggja til rette for bruk av idrettshallen og kulturbygga for eksterne aktørar
• oppmuntra næringa til å laga unike pakketilbod

Me arbeider for auka omdømmebygging og marknadsføring av unik jakt og fiske i fjellet  ved å   

• marknadsføra bygda  i nasjonale aviser og på internett
• spela på at jakt og fiske er ein aukande trend i tida
• snakka vel om Eidfjord og våre attraksjonar
• nytta eksisterande arrangement som arena for rekruttering 

6.4 Fritidsbustader

Tidlegare såg me hytta som ein stad der me kunne finna rekreasjon. Mykje har endra seg dei siste 20 åra. Hytta er blitt til fritidsbustad  der bruk, utforming, standard og økonomiske effektar både for eigaren og eigendommens vertskapssamfunn har endra seg dramatisk. Med breiband, smarttelefon og lesebrett eller pc på hytta,  er fritidsbustaden blitt «den andre heimen».

Lokale perspektiv på bruk av «den andre heimen» kan ikkje berre fokusera på utfordringa for natur og landskap. Like mykje må me  vera medvitne om at stor auke i talet på  gjester på fjellet, kan medføra endring av lokalsamfunnet sin kultur og sosiale tilhøve.  I tillegg er det  interessant å sjå på dei nærings- og sysselsettingspotensiala  som ligg i auke i antal hytter og gjester. 

Mål:
Me skal 

• ha ei berekraftig auke av antal nye hytter i Sysendalen 
• leggja til rette for at hyttefolk vert ein del av  innbyggjarane i Eidfjord
• forsterka og viderutvikla skitrekk, løypekøyring og turstiar i Sysendalen
• informera om jakt, fiske og frilufttilbod

Me får auka antal nye hytter i Sysendalen  ved å    

• ha tilstrekkjeleg kapasitet  til å sakshandsama  arealplanar 
• sørgja for at det er godt servicetilbod til hytteeigarar 
• leggja til rette for infrastruktur i eksisterande og nye hyttefelt
• ha fokus på varme senger
• vurdera utbyggingsavtalar

Me legg til rette for at hyttefolket vert ein del av innbyggjarane ved å

• invitera dei til lokale arrangement
• invitera hyttefolket inn i ulike styre, lag og organisasjonar 
• ha gode informasjonskanalar til hyggeeigarar om aktivitetar som skjer i bygda

Me forsterkar og vidareutviklar skisentertilbodet og løypekøyring ved å 

• ha eit  fungerande system som syte for at løypekøyring, skitrekk og turstiar vert vidareførte og utvikla knytt til auka aktivitet i Sysendalen
• ha godt samarbeid med Sysendalen hyttevelforbund og  Sysendalen grunneigarlag som kan formidle informasjon ut til hytteeigarar