7.1 Sysselsetjing, kompetanse og næringsliv

Dei fleste i Eidfjord har sitt yrke knytt til offentleg sektor, samt i reiselivsnæringa, småverksindustri, jordbruk og vasskraftproduksjon. Det  er viktig å skapa nye arbeidsplassar. I tillegg lyt me styrka og vidareutvikla etablert næringsliv knytt til marknadsutvikling, samt gje grobotn for utvikling og stimulera gründermiljøet. Kommunen si rolle i næringsutvikling  er å vera etablerarvegleiar, tilretteleggja for forretningareal og næringsareal.   

Mål
Me skal

• vera ein aktiv vertskommune for næringslivet
• syta for at det vert enklare å etablera nye arbeidsplassar
• arbeida for at det vert etablert nye arbeidsplassar innan reiselivsnæringa, direkte og indirekte
• støtta næringslivet i deira arbeid med kvalitets- og kompetanseutvikling
• arbeida for at det vert offentlege arbeidsplassar i kommunen
• ha eit livskraftig landbruk som produserer mat og held kulturlandskapet i hevd
• styrka  samarbeid og samhandling mellom kommunen og næringslivet og mellom dei ulike næringslivsaktørane

Strategi:
Me skal verta ein aktiv vertskommune for næringslivet ved å

• ha rask og effektiv sakshandsaming
• ha oppdaterte retningsliner for næringsstøtte
• satsa på god infrastruktur til/frå kommunen ved t.d. å arbeida med realisering av Hardangerviddatunnelen
• marknadsføra Eidfjord som arbeidskommune gjennom tilgjengelege kanalar

Me gjer det lettare å etablera nye arbeidsplassar ved å

• støtta opp om etablerarar ved t.d. rettleiing og søknadshjelp
• arbeida for ein “node” i Eidfjord av ein større næringshage
• ha ein arealplan med næringsareal
• arbeida for at det finst ledige næringslokale i offentleg eller privat eige.
• medverka til regionale næringssatsingar som gjev arbeidsplassar for innbyggjarar i fleire kommunar
• styrkja samarbeid og samhandling mellom kommunen og næringslivet, og mellom dei ulike næringsaktørane 

Me får etablert nye arbeidsplassar innanfor reiselivsnæringa, direkte og indirekte ved å

• stimulera til satsing for nye målgrupper i reiselivet  knytt til skuldersesongen 
• stimulera til å betre utnytta synergieffekten av eksisterande store arrangement

Me støttar næringslivet i deira arbeid med kvalitets- og kompetanseutvikling ved å 

• informera om moglegheitene som finst ved bruk av studiesenteret
• informera om nettverk der ein kan utveksla kunnskap og erfaringar 
• gje økonomisk støtte til Næringslaget slik at dei kan arrangera kurs og konferansar for bedrifter i Eidfjord

Me arbeider med å oppretthalda offentlege arbeidsplassar i kommunen ved å

• ha solide offentlege tenester
• arbeida i ulike fora for å få etablert offentlege arbeidsplassar i Eidfjord
• ha høg kompetanse innanfor dei ulike fagområda
• arbeida aktivt i interkommunale fora slik at fagavdelingar vert lagt til Eidfjord 

Me får eit livskraftig landbruk som produserer mat og held kulturlandskapet i hevd ved å

• arbeida for å auka kunnskapen om og forståing for kor viktig landbruket  er for å oppretthalda kulturlandskap, kulturmiljø, steingardar, gamle frukthagar, bygningar, vatningsveiter m.m
• informera landbruksentreprenørar om ulike tiltaksordningar knytt til alternativt landbruk og attåtnæringar
• stimulera til produksjon og sal av lokal mat 
• stimulera til nye tiltak innafor landbruket

Me får styrka  samarbeid og samhandling mellom kommunen og næringslivet, og mellom dei ulike næringslivsaktørane ved å

• ha jamlege  møte med næringslaget
• vidareføra og styrkja samarbeidsforum i Eidfjord
• ha heilskapleg marknadsføring av Eidfjord- med felles layout for reiselivet og andre næringsaktørar/ forretningsaktørar
• arbeida for at me har felles overordna mål og kva  retning utviklinga skal gå 
• auka kunnskapen og forståinga av at me vert sterkare gjennom samarbeid