Alle eigedommar i Eidfjord kommune kan søkja om tilskot til tiltak i eigen heilårsbustad, privat utleigebustad og fritidsbustad.  Tildelingar til fritidsbustadar skal utgjera maks 20% av fondsmidlane (kr. 400.000). Fritidsbustadar skal vera eldre enn 25 år pr. 2024.

Næringsdrivande i Eidfjord kommune kan søkja om tilskot i eigne næringsbygg. Det er krav om ein enkel energikartlegging; ved større tiltak vert konsultasjon av godkjent energirådgjevar anbefalt.  Tilskotet skal utgjera inntil 20% av totalkostnaden. Tildelingar til næringsbygg skal vera maks. 20% av fondsmidlane (for 2022: kr 2,0 mill, dvs. kr 400 000,-). Bedrifter som mottar tilskot frå den statlege straumstønadsordninga kan ikkje søkja.
 

Fondet skal stimulera til gjennomføring av fornuftige energitiltak som ikkje vert omfatta av andre nasjonale tilskotsordningar.

• Isolering av yttertak og tak mot kaldt loft
• Isolering av golv mot grunn, kald kjeller eller liknande
• Isolering av yttervegg
• Luft til vatn varmepumpe
• Luft til luft varmepumpe
• Avtrekksvarmepumpe
• Lavenergivindauga og dører
• Reintbrennande vedomn

Ved bruk av energirådgjevar kan stønad til andre tiltak vurderast.
 

*Gamal (70-talet)/ øydelagt isolasjon kan bytast ut. Huset vert då rekna som ikkje isolert.

Det kan søkjast fortløpande om tilskot med forbehald om fondsdekning; det er fyrste-mann-til-mølla prinsipp. Ordninga gjeld med tilbakeverkande kraft frå 1.1.2024.

Når arbeidet er utført, skal utfylt søknadsskjema, kvitteringar/ fakturaer og annan dokumentasjon (f.eks. bilete før og etter) sendast til kommunen.