Sal av jordmassar til aktivt landbrukDriv du aktivt landbruk i Eidfjord, og har du behov for jordmassar til drifta di? Publisert 14.04.2025 11.08 Sist endra 15.04.2025 13.06 InformasjonEtter dei arkeologiske utgravingane på Lægreid, gbnr 4/110, i 2017 har Eidfjord kommune att matjord. Det vart vedteke politisk at halvparten av jorda skal seljast til bruk innan aktivt landbruk. Difor kan du som driv aktivt landbruk i Eidfjord søkja om å få kjøpa jord til bruk i drifta. SøknadElektronisk søknadskjemaDu kan bruka det elektroniske søknadsskjemaet, eller senda ein enkel søknad til kommunen med fylgjande innhald:Namn og adressaGards- og bruksnummer der jorda skal nyttastSkildring av kvar på eigedomen jorda skal nyttastSkildring av føremålet du skal nytta jordbruksjorda tilKor mykje jord du har behov forSøknadsfrist: 9. mai 2025 Send søknad til per post til Eidfjord kommune, Simadalsvegen 1, 5783 Eidfjord, eller lever han fysisk i resepsjonen på kommunehuset. Etter søknadsfristen vil kommunen gå gjennom søknadane og vurdera fordelinga av jordmassane.PrisPris er kr 100/m3. Kjøpar må sjølv syta for å henta jorda der den ligg i dag.