Om næringsprisen

Eidfjord kommune deler ut næringspris anna kvart år. Føremålet med næringsprisen skal vera ei belønning og inspirasjon t il næringsutvikling. Prisen skal omfatta både initiativ, nyskaping og vidareutvikling i næringslivet og miljøet som gjev varige verdiar for lokalsamfunnet. Prisen kan gjevast både til verksemder og einskildpersonar som har forretningsadressa i Eidfjord. Næringsprisen er ei pengegåve på 100 000 kroner og desse skal brukast i verksemda. Juryen består av dagleg leiar i Visit Eidfjord, leiar i Eidfjord næringslag og ordførar.  

Fylgjande kriteria skal vektleggjast

• Miljøsatsing- og aktivitet/næringsutvikling som medfører positive ringverknader  
• Verksemder som skil seg ut med særleg god servicehaldning ovanfor brukarane  
• Nytenking i både eksisterande- og nye verksemder  
• Verksemder som marknadsfører meir enn si eiga verksemd  
• Verksemder med særleg ungdomssatsing  
• Satsing som medfører marknadsføring/profilering av Eidfjord  
• Andre kriteria: Kvalitet/likestilling/ indre- og ytre miljø

Fristar og innsending

Innspel til gode kandidatar til næringspris for 2025 kan sendast til postmottak@eidfjord.kommune.no innan 27. april 2025. Framlegga vert untatt offentlighet, og tildelinga vert annonsert 17. mai 2025

Informasjon om næringsprisen på heimesida