Informasjon om prosjektet

Datafangsten vil føregå våren og sommaren 2025.

I førekant av kartlegginga vil du kunne møta på landmålarar som er ute og signalerer. Å signalere betyr å måla kvite firkanter på bakken, eller å leggja ut plater. Desse skal nyttast når kommunen blir flyfotografert.   

Me vonar alle vil ta dei godt i mot og la merka vera i fred. Matrikkellova gjev lovfesta rett til å plassera signal på privat og på offentleg grunn. Plasseringa til fastmerka/signala er planlagt på førehand, men nokre tilpassingar må landmålarane gjera i felt. 

Alle merka må plasserast der det er føremålstenleg for kartlegginga.  Takk for at du ikkje dekkjer til, flyttar på eller øydelegg dei kvite firkantane. Me vil alle nytta godt av å ha oppdaterte kart når landmålarane er ferdige og flyfotograferinga er gjennomført.

Nye kartdata vil bli tilgjengelege i starten av 2026.

Les meir om prosjektet på Kartverket sine heimesider.