Retningsliner Eidfjord viltfondMidlar frå Eidfjord viltfond skal vere med å skapa økonomisk bakgrunn for å fremja viltforvaltinga i kommunen. Definisjon Eidfjord viltfond er eit bunde driftsfond som kommunen forvaltar til viltføremål innanfor dei råmer forskrift om kommunale viltfond og fellingsavgift for elg og hjort er fastset. Kommunal andel vert å dekkja frå landbruksfondet under føresetnad av valda deltek med sin andel. Forskrift om kommunale viltfond og fellingsavgift for elg og hjort Disponering av fondet Disponering av det kommunale viltfondet er Eidfjord kommune sitt ansvar, og skal brukast til viltrelatert arbeid i kommunen og er ikkje avgrensa til hjortevilt. Kva kan fondet brukast til? Dekke kommunen sine utgifter til ettersøk, handtering av skadd vilt og fallvilt. Tiltak for å førebyggje skade på landbruksnæring som skuldast hjortevilt. Tiltak for å fremje viltforvaltning, styrke kunnskapen om viltet, jaktorganisering og liknande i kommunen og i nabokommunen gjennom samarbeid i regi av organisasjonar, enkeltpersonar eller kommunen sjølv. Kva kan fondet ikkje brukast til? Kommunen si administrasjon av viltforvaltinga Erstatning for skade som skuldast vilt Skotpremie Forvaltning Viltnemda er styre for fondet. Fondstyret kan delegere vidare mynde til rådmann. Satsar Satsar for godtgjersla i samband med ettersøk, avliving, ivaretaking og frakt av skadd vilt, samt satsar for omsetjing av vilt som er det kommunale viltfondet si eigedom Honorar for ettersøk, avliving og ivaretaking av skada vilt og fallvilt, er på kr 100,- pr time inkl. arb.gj. avgift Ettersøkshund vert honorert med kr 50,- pr time Differansen for tapt arbeidsforteneste vert dekka Reiseutgifter etter staten sine satsar Når viltet ikkje vert omsett i marka til jeger eller teken på kvote til rettshavar, skal det omsetjast for kr 45,- pr kg inkl. mva. Tildeling av midlar frå viltfondet Renteavkasting og årlege inntekter dannar råmer for tildeling av tilskot. Det kan tildelast midlar frå viltfondet til lag, organisasjonar, verksemder og einskildpersonar. Når det er aktuelt å tildela midlar frå fondet skal dette gjerast kjent for ålmenta i god tid før søknadsfristen 01.02. Tilskot skal primært ytast til tiltak av lokal karakter og som ikkje lett kan få statstilskot. Tilskot vert gjeve etter søknad og på grunnlag av godkjende kostnadsoverslag og at krava til søknad er oppfylde. Tilskot kan gjevast med inntil 50% av kostnadsoverslaget. a) Krav til søknad Søknad om støtte frå fondet må fremjast skriftleg før tiltaket vert sett i verk. Søknaden skal innehalde (minimumskrav): Kva tiltaket går ut på, søkjaren si utgreiing og vurdering av tiltaket. Opplysningar om søkjaren. Investerings- og finansieringsplan. Framdriftsplan Kven som er deltakarar og skal utføre arbeidet b) Utbetaling Før tilskot kan utbetalast, må fylgjande føresetnader vere oppfylde: Tiltaket må vere fullfinansiert. Rapport og revidert rekneskap skal vere godkjend av Eidfjord kommune. Krav som vert stilt i gjeldande lover, forskrifter og standardar skal vere oppfylde og naudsynte godkjenningar må liggje føre. c) Gjennomføring av tiltak Frist for gjennomføring av tiltaket er normalt 2 år (tilsagnsåret + eit heilt kalenderår). Administrasjonen får fullmakt til å godkjenne 1 år utsetjing av frist for gjennomføring av tiltaket, etter søknad. Utsetjing utover dette skal handsamast av fondsstyret. Dersom det oppstår tilhøve som er i strid med føresetnadene for støtta, kan Eidfjord kommune avgjere at tilskot skal løysast inn heilt eller delvis. Krav om innløysing av tilskot kan ikkje setjast fram seinare enn 5 år etter utbetaling. d) Sakshandsaming og klage/anke Støtte innanfor rammene kan gjevast av fondsstyret. Større prosjekt må handsamast av kommunestyret, og helst gjennom handlingsprogram og budsjett. Klage på kommunale vedtak skal handsamast av fylkesmannen, jmf. Viltlova § 4 siste ledd. Fondsstyret står fritt til å vurdere tilskotsstorleik innan gjeldande rammer. Publisert 07.03.2019 10.27