Alkohollova set rammene for korleis alkoholpolitikken skal forvaltast. Ho regulerer tilgjenge av alkoholhaldig drikk mellom anna gjennom bevillingssystemet, ved fastsetting av vilkår for korleis sal og skjenking skal skje, samt kontroll med at vilkåra vert overhaldne. Lova inneheld òg reglar som tek sikte på å påverka etterspurnad, som for eksempel forbod mot reklame. Lova gjev òg kommunen stor fridom og stort ansvar til å utforma sin eigen lokale politikk som vert nedskrive i ruspolitisk handlingsplan.

Grupper

Alkoholhaldig drikk vert inndelt etter alkoholinnhald:

• Gruppe 1: med over 2,5 og høgaste 4,7 volumprosent alkohol (i hovudsak øl)
• Gruppe 2: med over 4,7 og høgast 22 volumprosent alkohol (i hovudsak vin)
• Gruppe 3: drikk med mellom 22 og 60 volumprosent alkohol (brennevin)

Gebyr

Alt sal og skjenking av alkoholhaldig drikk mot vederlag krev løyve. Alle innehavarar av sals- og skjenkeløyve skal årleg levera rapport om omsetnad av alkohol til kommunen. Når rapportane er mottekne av kommunen vert gebyr rekna ut og krav sendt ut til den einskilde sals- og skjenkestad.

Bevillingsgebyret vert fastsett ihht. departementets forskrift om gebyrsatsar og innbetaling av gebyr. (Alkohollova § 7-1 og alkoholforskrifta §§ 6-1 og 6-2). Bevillingsmynde kan likevel i særlege tilfelle bestemme at gebyret skal setjast lågare.

Eidfjord kommune har gradert bevillingsgebyr for einskildløyve som fylgjande:

• Skjenking ved einskildhøve (0-99 deltakarar) kr. 600,-
• Skjenking ved einskildhøve (100-200 deltakarar) kr. 1500,-
• Skjenking ved einskildhøve (over 200 deltakarar) kr. 3000,-

Gebyr for sals- og skjenkeløyva, med fråtrekk av kostnadar til skjenkekontrollen, skal øyremerkast førebyggjande tiltak retta mot born og unge.

Lenkjer

• Lov om omsetning av alkoholholdig drikk m.v (alkohollova)
• Forskrift om omsetning av alkoholholdig drikk mv. (alkoholforskrifta)
• Forskrift for servering, sal og skjenking av alkoholhaldig drikk Eidfjord kommune
• Ruspolitisk handlingsplan (PDF, 526 kB)

Løyve

Kommunen kan i hovudsak tildela tre typar løyve:

• Serveringsløyve – Verksemd for servering av mat og drikka, der forholda legg til rette for fortæring på stedet. (Serveringslova §2 (1))
• Salsløyve – Overdraging av alkoholhaldig drikk til forbrukar mot vederlag, der drikking skjer utanfor salsstaden. (Alkohollova §1-4 (1))
• Skjenkeløyve – Overdraging av alkoholhaldig drikk til forbrukar mot vederlag, der drikking skjer på staden. (Alkohollova §1-4 (2))

Retningsliner

Alkohollova § 1-7 gjev retningsliner for handsaming ved søknad om sals- og skjenkeløyve.

• Lokalet skal vera godkjend i samsvar med plan- og bygningslov, av brannmynde og mattilsynet
• For skjenkeløyve, skal det føreliggja serveringsløyve
• Det er vandelskrav for personar i bedrifta; eigar, styrar og stadfortredar skal godkjennast
• Det skal innhentast uttale frå politi, sosialtenesta og skatte/avgiftsmynde
• Dagleg leiar, styrar og stedfortredar skal ha godkjent kunnskapsprøve. (Kommunen er ansvarleg for å avhelde slike prøver)

Kommunal bevilling til sals- og skjenkeløyve vert gjeve for 4 år av gongen, med opphøyr seinast 30. september året etter at nytt kommunestyre tiltrer. Det er mogeleg å gje løyve for ein viss del av året eller for eit visst høve.
 

Verksemder som vil selja alkohol, må søkja kommunen om salsløyve.

• Kommunen kan gje løyve til sal av alkoholhaldig drikk gruppe 1, drikk med høgst 4,7 volumprosent alkohol. (Alkohollova § 3-1)
• Verksemder med kommunalt tilverkingsløyve, kan i tillegg få løyve til sal av alkoholhaldig drikk gruppe 2, drikk med høgst 22 volumprosent alkohol. (Alkohollova § 3-1b)

Bensinstasjonar og kioskar kan ikkje få salsløyve. (Alkoholforskrifta § 3-4)

Verksemder som vil servera mat og/eller skjenka alkoholhaldig drikk, må søkja kommunen om serveringsløyve og skjenkeløyve.

• Dagleg leiar må vera myndig og ha bestått kunnskapsprøva eltablererprøven. (Serveringslova § 4 og 5)
• Skjenkestyrar og stedfortredar må vera over 20 år, og ha bestått kunnskapsprøva skjenkeprøven. (Alkohollova § 1-7c)

Skjenkeløyvet kan omfatta alkoholhaldig drikk i gruppe 1, 2 og 3. Løyvet kan gjelda generelt, for visse tider av året, eller som einskildløyve ved einskilhøve.
 

Skjenkeløyve ved einskildhøve

Du må søkja om skjenkeløyve dersom:

1. Du leigar lokale og tek betalt for alkohol, eller når lokalet berre har serveringsløyve og du skal skjenka eller selja alkohol
2. Du skal servere alkohol i eit selskap i lokale som til vanleg er ålment tilgjengeleg, i forsamlingslokal eller festlokal*
3. Du skal ha arrangement som er ope for publikum, der offentlege møtest, på offentleg plass, eller utandørs på eit avgrensa område

Unnatak for punkt 2

*Du treng ikkje søkja om skjenkeløyve dersom du eig/leigar/lånar lokale som eit alternativ til eigen heim til eit privat arrangement, såkalla «lukka lag», med personleg inviterte gjester med avklart gjesteliste i forkant av arrangementet. Utleigar/lånar må ikkje vera involvert i arrangementet på anna måte, til dømes innkjøp, servering og utvask. Arrangementet må ikkje annonserast.

Skjenkegebyr ved einskildløyve

Ved søknad om skjenkeløyve for einskildhøve må du betala eit gebyr for sakshandsaming. Gebyret er gradert som fylgjer:

• 0-99 deltakarar: kr. 600,-
• 100-200 deltakarar: kr. 1500,-
• Over 200 deltakarar kr. 3000,-

Forskrift for sals-, skjenke- og opningstider samt retningsliner for sals- og skjenkeløyve, Eidfjord kommune
 

Løyvehavar kan etter ei skjønnsmessig vurdering få utvida løyve til å omfatta produksjon/tilverking av øl, vin eller sider (alkoholgruppe 1 og 2) til sal og/eller skjenking i eiga verksemd. Såkalla kommunalt tilverkingsløyve. Det er kommunen som er løyvemynde for slike saker.

Vilkår for tildeling

• Sal og skjenking kan berre skje på tilverkingsstaden
• Tilverknaden må framstå som ein del av staden sitt heilskapelege tilbod og karakter. Det vert lagt vekt på tradisjon, kultur og lokal produksjon

Tilleggsvilkår for salsløyve med utvida rett til tilverking

• Det kan maksimalt selgjast inntil 15 000 liter per år
• Den alkoholhaldige drikken kan ikkje vere tilsett brennevin eller blanda med alkoholhaldige produkt utanfor produktlista i kommentar til posisjon 22.06 i Tolltariffen
• Minst ein tredel av innsatsvarane som gjev produktet dets karakter, må vere eigenprodusert (dyrka på eigen eller leigd jord)

Verksemder som vil selja alkohol andre stadar enn i eige lokale, må ha statleg tilverkarløyve. Eventuelle søknadar om slikt tilverkarløyve er staten sitt ansvar. 

Kommunestyret har vedteke skjenketider i KST-sak 24/115

Kontroll av sals- og skjenkestadene i Eidfjord kommune vert ivareteke gjennom det interkommunale samarbeidet med skjenkekontrollen i Kvam. Utgifter til skjenkekontrollen er føreset dekka inn gjennom innkreving av sals- og skjenkegebyr.

Frå. 1. januar 2016 vart det innført eit prikkbelastingssystem (Alkoholforskrifta kap. 10). Systemet legg til rette for enklare kontroll og sakshandsaming av brot på regelverket, og standariserte reaksjonar for dei ulike formane for overtredingar. 

Ved lovbrot etter kontroll gjennomført i samsvar med forskrift, skal kommunen tildela bevillingshavar eit bestemt tal prikkar. 
Eit brot kan gje maks 8 prikkar. Dersom det er tildelt 12 prikkar i løpet av 2 år vil det føre til inndraging i ei veke. Dersom det i løpet av toårsperioden vert tildelt fleire enn 12 prikkar, skal lengd på inndraging aukast tilsvarande. 

Ordninga er obligatorisk, og kommunen er forplikta til å følgja retteliinga i forskrifta. 

Kunnskapsprøver kan takast på kommunehuset i Eidfjord etter avtale. Ta kontakt med tenestetorget på telefon: 53 67 35 00 eller e-post: postmottak@eidfjord.kommune.no for å avtala tid.

Sals- og skjenkeløyve

Dagleg leiar, styrar og stedfortredar må ha godkjent kunnskapsprøve for å få løyve. Det er ein prøve for salsbevilling, og ein prøve for skjenkebevilling.

Serveringsbevilling

Dagleg leiar på ein serveringsstad må ha bestått etablerarprøven.

Kort om prøvane

• Prøvane er flerivalsprøver, og er berre på Norsk. (Det er lov å ha med ordbok)
• Kvar prøve kostar 400 kroner, faktura vert ettersendt. (Du kan ta prøven på nytt heilt til du klarar det, men det kostar 400 kroner kvar gong)
• Alle som består kunnskapsprøva får tilsendt attest. Attesten er dokumentasjon på at du har nødvendig kunnskap om lovgivinga, og er gyldig på ubestemt tid

Informasjon, pensum og nettkurs finn du på VINN sin nettbutikk - Etablererprøven og Kunnskapsprøven

Aktuelle lovar/forskrifter

Lov om omsetning av alkoholholdig drikk m.v. (alkoholloven) - Lovdata
Forskrift om omsetning av alkoholholdig drikk mv. (alkoholforskriften) - Lovdata
Lov om serveringsvirksomhet (serveringsloven) - Lovdata
Elles er det god informasjon på helsedirektoratet sine sider Alkohol - Helsedirektoratet