• Fyll ut og last ned søknadsskjema om pleie- og omsorgstenester
• Beskriv behovet ditt for hjelp
• Send inn søknadsskjema til tildelingskontoret i vanleg post

Dei som ikkje kan yta omsorg for seg sjølv, eller som er heilt avhengig av praktisk eller personleg hjelp for å klara dagleglivet sine gjeremål, har krav på praktisk bistand.

Det skal føreliggja eventuelle helseopplysningar som tilseier at søkjar ikkje kan ivareta eigenomsorg, eller er heilt avhengig av praktisk eller personleg hjelp for å klara dagleglivets gjeremål.

Etter samtale med søkjaren avgjer kommunen kva for tenester som skal ytast.

• Nødvendig reinhald
• Handling
• Levering av middag/tilbereding av tørrmåltid
• Vask av klede
• Støttekontakt

Det vil alltid verta vurdert slik at det brukaren kan utføra sjølv, skal brukaren gjera sjølv så langt det er mogeleg.

For eksempel dersom brukaren sjølv kan turka støv med hjelp av eit hjelpemiddel, f.eks vasketralle og fiberkost, vert det ikkje tildelt hjelp til å turka støv.

• Brukar gjer seg kjend med innhaldet i vedtaket
• Brukar er heime når tenesteytar utfører praktisk bistand. Elles må det meldast frå seinast dagen før
• Når brukar mottek tenester i heimen vert heimen automatisk tenesteytar sin arbeidsplass
• Heimen er lagt til rette for at heimehjelparen får ein god arbeidsplass
• Tek initiativ til/tek i mot hjelp til utbetring av bustad
• Møblar og utstyr i heimen må tilpassast ny livssituasjon
• Brukar har nødvendig utstyr som skal ha standard tilsvarande det ein har i ein norsk heim
• Brukar gjev beskjed innan 1 veke på førehand dersom det er ynskje om å avlysa besøket/byta dag
• Ved akutte situasjonar må det gjevast snarleg beskjed.

• Stryking av klede
• Reingjering av område over «skulderhøgd» eller som som ikkje er i bruk
• Hagearbeid som stell av blomar, plenklypping og/eller raking
• Større reingjering som avsk av tak og vegger, vask av vindauga, boning av golv, lufting av store/tunge tepper, pussing av sølvtøy/kopar, innvendig vask av skap etc.
• Baking
• Rydda og reingjera etter friske pårørande eller besøkjande
• Hjelp til kjæledyrhald
• Frakting av bos
• Gjera istand til høgtider. Kan i spesielle høve avtalast innafor tilmålt tid der brukar bur aleine og ikkje har pårørande i nærleiken.
• Tenesteytar har ikkje høve til å nytta brukaren sitt bankkort for kontantuttak eller handel. Tenesteytar skal heller ikkje handtera brukaren sine kontantar.
• Flytting av møblar.

Eigenbetaling iht. Forskrift om eigenandel for kommunale helse- og omsorgstenester, skjer på grunnlag av netto inntekt av samla skattbar inntekt for husstanden (ektefelle/sambuar, heimebuande barn) før særfrådrag.

• Inntektsgrensa vert justert etter grunnbeløpet i folketrygda
• Satsar for eigenbetaling vert vedtekne av kommunestyret kvart år
• Beløpet kjem fram i vedtak om tenester
• I vedtaket vert det skildra innhald og tidsbruk for tildelt hjelp og bistand