Behandlingsansvarleg
Eidfjord kommune er ansvarleg for innhenting og bruk av personopplysningar som vert gjort via nettstaden www.eidfjord.kommune.no, og tilhøyrande publikumstenester.

Databehandlar
Avtalar om databehandling mellom Eidfjord kommune og leverandørane regulerer kva informasjon leverandøren har tilgang til, og korleis han skal behandlast. Avtalane tek i vare personopplysningslova og sikrar at praksis for behandling av personopplysningar er i samsvar med Datatilsynet sine tilrådingar.

Formålet med behandlinga er å tilby deg offentlege tenester eller utføra lovpålagte oppgåver.

Me må ha eit rettslig grunnlag for å kunna behandla opplysningar om deg. Det kan til dømes vera at du har gitt oss samtykkje til å handtera personopplysningane, eller at me skal oppfylla ein avtale med deg. Det kan òg væra nødvendig for at me skal oppfylla ein rettslig forplikting eller utøva offentleg myndigheit (gjera vedtak).

Dersom behandlinga er basert på samtykkje, har du rett til å trekkja det tilbake når som helst.
For sistnemnde grunnlag, kan du i visse tilfelle protestera mot behandlinga.

Personopplysningsloven og personvernforordningen artikkel 6 – 11 og 21 gjev utfyllande informasjon.

Personvern handlar om retten til eit privatliv og retten til å bestemma over eigne personopplysningar. For å kunna tilby deg gode tenester og utøva myndigheit (gjera vedtak), må me ofte behandla opplysningar om deg.

Me har fleire grunnleggjande prinsipp for korleis me skal handtera dine personopplysningar.

Data om deg skal vera:

• lovlege, rettferdige, korrekte og behandla med openheit*
• konfidensielle, verna mot utilsikta endringar og vera tilgjengelege
• vera samla inn til bestemte formål og ikkje seinare verta brukt på ein måte som er i strid med dette 
• berre verta brukt for det konkrete formålet, og ikkje lagra lengre enn det som er nødvendig eller pålagt
• vera oppdaterte

*Openheit betyr i denne samanhengen at bruk av personopplysningar skal vera oversiktlege og forutsigbare for den personen opplysningane gjeld.

Forslag til vidare lesing

Personopplysningsloven

Personvernprinsippa

Personopplysning

Opplysningar og vurderingar som kan knytast til deg som enkeltperson.

Kva er ei personopplysning?

Kommunen kan berre registrera å behandla personopplysningar om deg dersom du har gjeve ditt samtykkje, det er fastsett i lov eller det er nødvendig for at kommunen:

• skal oppfylla ein avtale med deg
• skal utøva offentleg myndigheit og oppfylla sine rettslege forpliktingar
• skal ivareta dine livsnødvendige behov
• skal utføra oppgåver av allmenn interesse
• eller ein tredjepart skal ivareta ei interesse som veg tyngre enn omsynet til ditt personvern

Kommunen er òg forplikta til å behandla alle dokument/informasjon òg personopplysningar i samsvar med offentleglova, arkivlova og andre lover for lagring av informasjon.

Du har som hovudregel rett til informasjon om, og innsyn i opplysningar om deg sjølv.

Opplysningar om deg sjølv

• kva opplysningar som er lagra om deg
• kva opplysningane skal brukast til
• korleis kommunen har fått tak i opplysningane
• kven som har eller har hatt tilgang til opplysningane

Innsynsretten gjeld ikkje dersom:

• det er nødvendig å halda opplysningane hemmeleg pga. etterforsking av straffbare handlingar
• tilgang til opplysningane kan føra til livsfare eller alvorlig helseskade
• det er ikkje tilrådeleg av omsyn til dine familiemedlemmer og ditt forhold til dei
• i lov eller med heimel i lov er underlagt teieplikt
• personopplysningane vert berre brukt til intern saksførebuing og ikkje er levert til andre
• det vil vera i strid med openbare og grunnleggjande private eller offentlege interesser å informera om

personopplysningane vert berre nytta til historiske, statistiske eller vitskaplege formål der behandlinga ikkje får noko direkte betyding for deg

Du kan òg be om innsyn i korleis kommunen behandlar personopplysningar generelt og om sikringsstiltak knytt til bruken av dine personopplysningar.

Privatpersoner

Du kan berre be om innsyn i personopplysningar om deg sjølv, eigne barn under 15 år og personar du handlar på vegne av med fullmakt.

Kommunen kan ikkje krevja betalt for innsyn i personopplysningar.

Personopplysningsloven kap. 2 (Alminnelige regler for behandling av personopplysningar)
Rett til innsyn (Datatilsynet)
Personopplysningsloven kap 4 (Unntak frå retten til informasjon)
Forvaltningsloven §§ 18 – 18d (Parten sin rett til å gjera seg kjend med dokument i saka)
Helseregisterloven kap. 4 (Informasjon, innsyn, retting, sletting og sperring)
Pasient- og brukerrettighetsloven kap. 5 (Rett til journalinnsyn)

Kontakt kommunen om du ønskjer innsyn, vil endra, sperra eller sletta dei registrerte opplysningane om deg. Du må gje nok opplysningar til at kommunen kan identifisera deg. Blir ikkje opplysningane retta eller sletta, kan du be om at din kommentar blir registrert saman med opplysningane.

Kommunen har plikt til å svara deg raskt og seinast innan 30 dagar. Dersom me ikkje klarar å halda denne fristen, skal du få skriftleg melding med grunngjeving og opplysningar om når me forventar å kunna svara deg.

Kommunen har plikt til å senda personopplysningar til deg på ein sikker måte. Sensitive personopplysningar skal ikkje sendast med vanlig ukryptert e-post. Eidfjord kommune brukar SvarUT.

Rett til informasjon og innsyn (Datatilsynet)

Du har rett til å få sletta opplysningar om deg sjølv. Denne retten har avgrensingar. Det gjeld ikkje for opplysningar som er arkivpliktige eller nødvendige for å kunna krevja eller forsvara rettskrav.

Retting og sletting av personopplysningar

Om kommunen nektar deg innsyn i opplysningane, får du skriftleg svar med grunngjeving.

Ved avslag på innsyn har du høve til å klaga. Du kan òg klaga om kommunen avslår ønsket ditt om retting eller sletting av opplysningar. Klagefrist er tre veker frå du får kommunen si avgjerd. Du må grunngjeva klagen. Kommunen kan gje deg rettleiing om du har behov for det.

Send klagen til:

Eidfjord kommune
Simadalsvegen 1
5783 Eidfjord

Kommunen vil vurdera om det er grunn til å gjera endringar. Dersom avgjerda ikkje vert endra, sender kommunen klagen din vidare til Fylkesmannen.

Personvernombudet skal syta for at kommunen behandlar personopplysningar i tråd med regelverk og god praksis. Ombudet hjelper både tilsette og innbyggjarar med spørsmål knytt til personvern. Eidfjord kommune har avtale med Bergen kommune om personvernombod. Du er velkomen til å ta direkte kontakt med personvernombodet via e-post eller brev. Det er dessverre ikkje mogleg å nå personvernombodet via telefon.

Ynskjer du at Eidfjord kommune skal vidareformidla informasjon for deg til personvernombudet?
Ta kontakt med Inge Kuijf, konsulent på Tenestorget, så bistår ho. 

Kontakt:

Bergen Kommune
v/Personvernombodet for ombodskommunar
Postboks 7700
N-5020 Bergen

E-post:  ombudskommune@bergen.kommune.no
Skriftlege førespurnader er som hovudregel offentlege. Unngå difor å senda brev/e-post til kommunen med informasjon som du ikkje ynskjer skal vera allment kjent. Bergen kommune fører postliste.

Ved enkelte høve vert dine personopplysningar formidla til andre. Det kan vera NAV, Husbanken eller andre me pliktar å gje informasjon til.

Opne og anonymiserte data kan verta delt til forsking, analyse og andre allmennyttige formål. 

Korleis unngå informasjonskapslar (cookies)

Dersom du ikkje godtek vår bruk av «cookies», kan du gå inn og trekkja tilbake ditt samtykkje ved å endra innstillingane i nettleseran din. Du kan anten blokkera informasjonskapslar frå å bli lasta ned automatisk, eller at du får eit val om å lasta ned kvar enkelt informasjonskapsel. Informasjonskapslar som er blitt lasta ned tidligare kan òg slettast frå nettlesaren.

Vel du å blokkera informasjonskapslar kan det føra til at enkelte tenester på vår nettside ikkje fungerer optimalt, eller at du ikkje får tilgang til alle delar av vår nettstad.

For meir informasjon, sjå nettvett.no

Slik administrerer du bruken av administrasjonskapslar (cookies)

Eidfjord kommune loggfører IP-adresser som besøker våre serverar for å kunna utføre teknisk feilsøking. Datagrunnlaget vert ikkje nytta til andre formål, og forsøk på å identifisera enkelpersonar ut frå disse loggane skjer ikkje. Serverloggane vert sletta etter kort tid. 

Eidfjord kommune nyttar statistikkverktøy for å berekna brukartal og trafikk på våre tenester. Det hjelper oss i arbeidet med å utvikla og forbetra nettenestene våre. Sjølv om statistikkverktøya varierer i grad av detaljering på data, så har ikkje me tilgang til rådata, berre oppsamla data som ikkje identifiserer enkeltbrukarar.

Du kan klaga til Datatilsynet dersom du ikkje er nøgd med korleis me behandlar dine personopplysningar, eller du meiner at behandlinga er i strid med personvernreglane.

Informasjon om korleis du går fram finn du på nettsidene til Datatilsynet