Utstillinga er open frå 27. mars - 27. mai, galleriet er ope laurdag/sundag og ved cruiseskip kl. 12 - 16

Hilde A. Danielsen fekk Eidfjord kommune sitt kunstnarstipend for 2025. Ho er fyrste utstillar ut i galleriet denne sesongen. 

Om kunstnaren og utstillinga

Kunstnaren seier sjølv: "Arbeida mine spenner frå romleg kunst, installasjon og skulptur med referansar til arkitektur og landskap. Eg lagar visuell kunst og romlege uttrykk ved hjelp av metaforar og bokstaveleg tolking av ord og deira mangfaldige tyding. Nokre ord og omgrep har blitt meir framståande, som 'tid', 'overgang', 'rørsle', 'rom', 'endring' og 'umateriell verdi'. Eg likar å forstyrra forventningane ved å arrangera kjende byggesteinar annleis. Nye perspektiv får oss til å vurdera val me tar i våre private liv så vel som i samfunnet. Mørk humor i alvorlege dilemma er eit viktig reiskap for meg som kunstnar." 

Danielsen har deltatt på ei rekkje kunstutstillingar både i Noreg og i utlandet. Arbeida hennar er haldne i private og offentlege kunstsamlingar i Noreg, Sverige, Polen, Australia og USA. Hennar kunstnariske kvalitetar er sjangeroverskridande. 

Kort om verket

Kunstverket CoV 2 Corridors omhandlar noko så enkelt og samstundes komplisert; veg- og verdivalg i eige liv og i vår komplekse samtid. I eit pentagon sentrum kan vi endre meining eller stå i dei vi allereie har ramma inn.  Med mørk humor på alvorlege tema blir det heile litt lettare? Den mørke innsida framstår lys og vårlig med løvetanngul utsida. Kontrastane symboliserer biomangfald, bier, veps og fuglar bl.a. samstundes er dei to fargane nytta på fartsskilting i vegbanen, og nokre idrettslag brukar desse kombinasjonane mellom svart og gult. Løvetanngul for uthaldande og sikkert vårteikn, eit ugras? Samstundes som det interaktive kunstverket kan innby til samtalar med vener, familie, naboen og ukjende om dei nære, og fjerne ting. 

Bereist kunstverk 

Eidfjord kommune har bidrege til å få kunstverket heim frå 7 år turné i utlandet, Australia og Tyskland. Dei er shortlista til Wallstreet Stockholm 2025, tre kommunar i Sverige. Kunstverket blei transformert til sin noverande løvetanngule utgåve i 2022, etter 2 år med long-covid-karantene i Australia. Ein suksess på utandørsarenaer på Cottesloe beach med Sculpture by the Sea Cottesloe i Perth, WA og tilbake til NSW, for Sculpture by the Sea Bondi 2022, på Marks Park i Sydney - etter 2 år på vent for gjennomføringa av utstillingane som har oppimot 450 000 besøkande normalt. I forkant er det vist i sortkledning ved Rookwood Sculpture Award 2019.

Når Danielsen vitja Galleri N.Bergslien la ho merke til humoren til Nils Bergslien - den "nissen på lasset" - den er nok med kunstverket på jordomseilingen alle desse åra. I dag har me andre analogiar/metaforar. Tid er viktig.  Året før det var på den kyrkjegarden Rookwood i Sydney, ein av Australias mest multikulturelle kulturarvstader. Med minst fem religiøse retningar/område inne på området. Så stort at besøkande køyrer bil på kyrkjegarden. I 2018 var det vist hos Cambelltown Campus, Western Sydney University og deira skulpturarena WSU Sculpture Award and Exhibition 2018. Same stad som Upside down again vann Urban Growth NSW Peoples Choice i 2014. For å komplisera det heile er furu dørkarmene i CoV 2 Corridors, og tidlegare Pentagon korridorene dei originale norske karmane nytta i Danmark i Upside down II, under Sculpture by the Sea Aarhus 2011. Den gong lystra dei ikkje, dei vart ikkje oppned - dei vartblei meir glidande dører, flatt og dansk. Jordomreisa til Australia året etter gjorde susen. Då med nye karmar for Upside down again. 6 år stod desse som det er presentert no, inne på vent i lager utanfor Bergen, i håp om nye tider og hos Kunstbanken på Hamar i 2017, skjedde det. Pentagon korridorene var født. 

Informasjon om Hilde A. Danielsen - Norske kunsthåndverkere

Opningstider

Opning av utstillinga vert 27. mars kl. 18:00. Opningstale ved ordførar Timo Knoch. 
Utstillinga er open frå 27. mars - 27. mai, galleriet er ope laurdag/sundag og ved cruiseskip kl. 12 - 16.